Importance of GLP with Pankazz

GLP definition

GLP is short for Good Lab Practices which encompasses all the standard lab practices which enhances quality and maintains safety norms in a Biotechnology/Microbiology Laboratory.

Scholar Sana ki Good Lab Practices to aap sabhi ne padh li, par jaaniye Pareshan Pankazz ka iss baare me kya kehna hai.

Pankazz: Dosto! Jab maine pehli baar yeh GLP yaane ke Good Lab Practices suni to bohot boring lagi. Maane nihayati useless. Aisa laga maano humare teachers sochte ho ke hum bade hi nahi hue. Duh! Sabko pata hota hai ke laboratory me kya kya precautions lene chahiye.

Par sachhi batau to pehle din instructions sunne ke baad to confident tha par fir jo haadse hue humari bewakufi ki wajah se, oh baap re! Pritisha ke baalo me chemical gir gaya jisse wo 2 hafto tak dhote rahi. Mayur ke haath se Bunsen buner ki flame handle nahi hui aur baaju me hi cleaning alcohol rakha hua tha, poora lab coat jall gaya. Shukar hai ke kisi ko chot nahi aayi. Aur use bhi badi bewakufi ke humne kisi ko yeh sab bataya nahi. Camera me to pakad aa gaye the par sharam ke maare kisi se kuch kaha nahi. But humari ma’am ne fir samjhaya ke instant reporting zaruri hai, kyunki humne aisi situation kabhi face nahi ki hoti hai aur aise me panic hokar kuch ulta seedha karne ke chances zyaada hote hai. Aur dusri baat, inn kisso se baaki students ko bhi sabak seekhne ka mauka milta hai. Uss din se GLP ko seriously lene lag gaya.

Uss din aur usske baad ke saare dino se maine jo seekha wo neeche likh de raha hu. Kya pata koi nibba-nibbi kisi fatal lab accident se bach jaaye aur GLP ka importance samjhe:

  1. Instructions pe dhyaan do! Tumhara crush nahi aayega/aayegi bachane ! Issiliye, chahe wo faculty ho ya lab supervisor ya Lab Assistant, innke experience ki thodi kadar karke unnka suno. Writing me koi bhi information ho to usse saath me rakho. Lab me kahi important instructions ho to usse dhyaan se padho aur yaad rakho. Selfies aur “memories” baad me le sakte ho did, instructions pehle Start se leke to End tak koi bhi instructions ko ansuna naa karo, karoge to risk tumhara. Agar koi experiment samajh me naa aaye to turant pooch liya karo. Scientist soch samajh ke aur jaan ke bante hai, ainvayi kuch bhi risk leke nahi bannte. Agar aisa karne se chuke to khudme to khatre me rahoge aur apne classmates (jissme wo crush bhi hai) usski jaan bhi khatre me daaloge. Dusra, experiment bigdega so alag par lab me accident hua ya contamination hua ya aisa koi risk hua to physical damage ke saath saath financial damage bhi hoga. (Private me ho to jaan lo, beaker bhi toda hoga to bhi poore lab ka bill wasoola jaaayega). So, samajhdaar bano, remember to consult the lab supervisor or lab assistant or your faculty.
  1. Style Statement: Naa Naa! Style statement ke chakkar me na padna. Look, chicks/guys will go for those who have skills with Lab and not Lab Coats. Ultimately, tumhara show-shining waste hi jaane waala hai. So, why not focus on safety and get properly dressed. From reckless/careless nibba/nibbi to careful, diligent, intelligent student. Get this makeover! Instead of Crocs, Flip-Flops (maane chappal), sandals, kitos or those open footwears, go for covered shoes. Those will not only protect you, but also provide you the necessary grip and agility in a Lab. Wear long pants which will cover you properly and save any risk of exposure, and hence avoid wearing torn/ripped (fati hui) jeans. Ladies log, pleej tie your hair, aur thoda latke jhatke kam. Nahi to baal experiment me gir gaye to manipulation me bhi result sahi se nahi aayega. Aur galti se kisi burner me aa gaye to poora semester head gear (cap, hat, etc) me bandhi reh jaayegi. PS:- Agar koi bandobast/jugaad ho to protective gear istemal karo, jaise ke safety goggles, gloves, aur tissues as needed. Thoda scientist wala feel bhi aayega aur safety ki safety bhi ho jayegi. Nahi to wahi haath se experiment karke kisi aur jagah lagaya to contamination to hoga hi !
  1. Lab ka fridge hai woh! Chahe kitna bhi mann kare, yaad rakho wo fridge sirf aur sirf chemicals aur cultures ke liye hai. Tumhara khaana/paani waha contaminate ho jaayega, media aur culture kharab hoga wo alag! Bonus me Lab Assistant/Supervisor ya Faculty ki gaali padegi ! Ek baar humare Ravi ne Gajar ka halwa aur Frooti ka pack andar rakh diya tha. E-coli ka culture ka poora satyanaash hua tha aur usska Gajar ka halwa ajeeb smell maar raha tha. Kisiko halwa khaane nahi mila tha, fine bharna pada so alag.
  1. Lab & Canteen: We’re not same bro! Lunch aur Dabba Party ki jagah canteen hai, lab nahi. Okay, okay, I get it. I really do. Lambe lambe samay tak chalne waale experiments ki wajah se lunch ka time nikal jaata hai. Lectures ke tight schedules ki wajah se lunch karne ko nahi milta hai. Aise me khaali dimaag nahi balki khaali pet shaitaan ka ghar hota hai. Plus khaali pet koi gyaan nahi le paata. Par Lab me hi kuch khaa lena isn’t a good idea. Kya pata jaldbaazi me picchle experiments ke chemicals haath me hi lage reh gaye? Hota hai, we often rush to wash/sanitise our hands quickly and we often don’t do it properly. Kya pata jiss surface pe dabba khola hai usspe koi residual chemicals ya pathogens reh gaye? So, guys and girls, please remember that and behave accordingly. Chiwda, Murmure, Kurkure, Chips, Wafers, Chocolate khaane ki jagah woh nahi hai! NO, Eclairs bhi nahi khaa sakte! Paani peene ka to sambhal ke peene ka! Na jaane kitne hi journals kharab kiye hai issne. Be very careful when you are handling fluids in the lab as they tend to spill. Waise bhi khaane peene se distraction hota hi hai. So, issko taalo. Avoid it and head to canteen or a space that is safe from such an environment.
  1. Khaane peen ke baad aata hai Soonghna (smelling): Many of you might be newbies and must be excited to enter Labs on seeing the various chemicals over there. After all, it is an upgrade from your school’s lab and it looks so cool. But shiny equipment, glassware, and those fancy looking chemicals may not be so cool after all. Real life incident se bata raha hu, Ravi ko blue color bohot pasand hai. 1st sem ke pehle lab ke din usse shelf pe rakhe Beaker me blue color ka liquid dikh gaya. Wo bola “Guys look so kewl” aur soongh liya. Pehle to kuch der tak kuch nahi hua, par fir jo usse headaches shuru hue to dinbhar rahe. Uss samay chemicals aur unnki potency ke baare me kya pata hota hai. Uss time to samjha nahi tha. Lekin Ravi ki halat kharab ho chuki thi. Chhutti ke baad siddha hospital. Waha par doctor ne detail me sab poocha tab jaake pata chala ke yeh Ravi ke chemical sunghne ke adventure se hua hai. Since then, we have been extremely careful about such misadventures.
  1. Informing Faculties/Supervisor about Lab Accidents: Ravi ke uss incident ke baad se dhyaan me aaya ke kabhi aisa kuch ho to Faculty ya Supervisor ko inform karna zaruri hota hai. Thik hai ekaadh gaali khaa lena par kam se kam sahi se guidance to milega! Ravi ke dinbhar ke headaches se aisa lagg raha tha maano wo koi drug addict hai. Hum sabki vaatt lagg gayi thi ussko sambhalne me. Faculty/Supervisor ko Lab Accident ke baare me batane ka faayda yeh hota hai ke turant madad mil jaati hai aur fookat ka tension nahi hota hai. Aur Lab me kuch na kuch to hote hi rehta hai, koi na koi accident ya mishap hota hi hai. Par ussko report karna bohot zaruri hai. Faculties and Supervisors are trained personnel and very well aware about remedies. Hence, they are of great help. But the only downside is that you’ll get verbal bashing. But it is anytime better than any hazardous side-effects. So be a responsible student and inform your Lab supervisor or Faculty in case of any incident.
  1. Being responsible for your experiments: Kuch lab accidents genuinely hote hai to kuch humare over-excited nibbas ke wajah se hote hai. Some over-excited or mischievous students, in a moment of immaturity, mix chemicals to see if it changes color or anything random happens. But remember, until and unless you accomplish command over those chemicals, do not indulge in such misadventures as it may lead to terrible consequences. 12th ke Chemistry ke experiments ki bhadaas yaha nikalna is not cool. The chemicals in some of these labs are so potent that they may be beyond your handling capacity. Careless treating of them may lead to harmful consequences like release of toxic gases in the air you are breathing, breakage of apparatus and glasswares, and in certain cases explosions too may happen. I know I know, the urge to mix chemicals to see may be strong in some of you, but remember your adventure may turn out to be an expensive affair and not just financially. So, be a responsible lab student and do not crazy with chemicals.
  1. Safety Equipment’s location: In case koi gadbad ho hi jaaye to safety equipments kaha rakhe hai, yeh pata hona chahiye. Jaise ke, Fire Extinguisher kaha rakha hai yeh pata hone se fire-related accident pe jaldi kaabu paaya jaa sakta hai. Kaha pe kaunsi cheeze rakhi hui yeh Lab me posters ya information chart par di hui hoti hai. Equipments kaise use karte hai yeh bhi unnpe printed hota hai to wo bhi dekh le. Aur haan, equipment kaam kar bhi raha hai ya nahi, yeh bhi regular intervals pe check karle (humne yeh duty class ke CR aur LR ko saunp di thi). Unnpe unnki expiry date likhi hoti hai ya fir Lab Supervisor ya Lab attendant se pooch liya kare (par isskeliye unnka roz sir naa khaaye). Mayur ke haadse ke baad samajh me aaya ke Safety Equipment kitne zaruri hote hai.
  1. Separation of Waste: One of the most common follies of Freshers is the ignorance of Bio-Waste. Har cheez dustbin me nahi daala karte, yeh naye baccho ko samjhana thoda mushkil hi hota hai. But if you are reading this article, then kudos to you! Because, reading this will atleast give you the knowledge that proper disposal of waste is crucial in a Lab. Kai baccho ko yeh pata hi nahi hota hai ke apna experiment poora karne ke baad apna desk aur space agle batch ke liye kaisi saaf karni hoti hai (jab instructions diye jaa rahe the yeh log selfies le rahe hote hai). Chemical bacha hai, daalo sink me! Petriplate me culture bacha hua hai, dho lo saabun se! Such immature and callous attitude leads to improper results. Ravi, our lab rat, usske shuruwat ke experiments ke results sahi aate hi nahi the, chahe kitni bhi koshish kar le. Fir ek baar Rohini ma’am ne use observe kiya aur dhyaan me aaya ke wo apne equipments properly wash nahi karta tha, jisski wajah se contaminated media me hi wo kaam kiya karta tha. Make sure you are aware as to how to dispose and clean the material that you have used. Soap se kaam chalega ya Autoclave karna padega ya fumigate karna hoga, isske baare me apni faculties se pooch le. It will save you a lot of time, efforts, and embarrassment. Trust me, we are Ravi’s friends :D.
  1. Sinema Effect: Ramadheer Singh sahi kehte the, jab tak iss desh me Sinema (Cinema) hai tab tak log CHU bannte rahenge. A lot many nerds and some nibbas are influenced by movies, especially the Hollywood ones and try to recreate that by thieving some chemicals or apparatuses and experimenting in their homes. Not only is this detrimental to your integrity, but also for your safety and the ones around you. The glassware may not be that sturdy and shatter or break while carrying resulting in a mess which is super difficult to clean as it may have shards of glass. Bohot risky! Science ke naam pe “To chalo dosto aaj bike ki tank me fatake fodte hai aur jaante hai ke petrol se bhare tank me fatake fodne pe kya hota hai” wale YouTube videos se inspiration naa lijiye. Ek baar humare saste Iron Man, Mayur, ne beaker aur test tubes dhaap ke ghar le aaya aur fir laga ghar ke gas stove pe experiement karne, ghar ke cleaning acid se. Fir kya tha! Itni badbu ke Fart Bomb bhi kamm lage aur baad me beaker aur test tubes explode hue. Poora kitchen tehas-nehes! Uss raat Mayur ko humare yaha khaana khaana pada :D. If you are super eager to try out stuff, go for that equipment that are available on sale at a store, because they are made for general use and need no supervision. The ones at your labs are sanctioned and approved by various testing authority and are to be performed under supervision of an expert. DO NOT TRY THIS AT HOME ko thoda seriously aur sincerely lo.

That’s it people! Mere Anubhav se mujhe jitna Freshers ke liye zaruri laga wo sab maine likh diya hai. Hopefully, aap sabhi ko yeh kaam aaye. GLP ke saath saath inn anubhavo ko bhi saath rakho aur agar aapke paas aise kuch anubhav ho to hume zarur bheje.

Innke alawa kuch bach gaya ho yaa kisi pehlu pe aapko jaan-na ho to neeche comment kijiye.

Also, please share and spread the word. Your Likes and Share motivate us to write more such articles and share our experiences.
Take Care and Be Safe!

Need more help? Click here.

Leave a Reply

This site uses Akismet to reduce spam. Learn how your comment data is processed.

%d bloggers like this: